|
SubscriptionsSites I Read
|
|
|
|
| 好人有好報這句說話我一早已經不相信了,
現在更讓我深深體會到.
只是為了幫人但代價竟然是這般沉重...
看到家姐的模樣,怎能叫我不傷心...
很體會到她那種壓力和感覺,
因為我也經歷過那種不開心也要靜雞雞喱埋哭的日子,
如果連自己也撐不住,又怎能叫其他人堅強鎮作起來...
即使眼眶裡盡是淚水也死忍著,不讓眼淚留下來... 討厭我那只能望著她哭,但什麼也不能為她做的無能...
我只能無言地看著她...連安慰的說話都說不出口...
正因為我明白那種痛是什麼的感覺,我更加不想身邊的人經歷...
我真的不明白為何這個世界總是為人切想,
每每想了別人才想自己的人,
所遭受的待遇卻是最不堪的.......... | | |
| 原以為考完試會好開心的,但事實又好像是另一回事...
很想將時間表排得滿滿的,以杜絕胡思亂想的閒思,
但縱使拖著的是疲累的身軀,大腦卻像是不用休息似地無休止地運作
奇怪的想法不時發出突襲,令我毫無招架和抵抗的能力..
扭開了的水龍頭,並沒有可以關掉的總制..
境況就好像回到八年前,有事便躲起來,
害怕將這黑色的氛圍擴散...
可能有些人早已將您拋諸腦後,但我從沒忘記對您作出的承諾.
自知做得不夠好..只想您賦予我能力,讓我代您完成您想做的事.. | | |
| 星期二同Babies們去了食開sem飯.
仍舊係老地方打冷+發記.
肥鳴成了型人,示範最新三角巾圍法
果然夠潮...
估唔到我地不若而同對同一樣野有相同感受,果然有默契!
 
時間過得真快,下個星期又同你地一齊展開新一個sem的生活了!
星期四同孫慶祝生日,估不到師母同張b都o黎,好驚喜呢.
這好像是bb出門最遠的一次.
老爹成日話阿b唔似佢,但我地個個都話似,
連傳菜個阿姐都忍唔住"搭爹"話bb好似爸爸!
之後爸爸又用佢d唔鹹唔淡的普通話問菲傭:
我的兒子是不是很"帥(讀音=衰)""?!好搞笑.
我地去了朗豪坊頂層的佳餚店食,都幾好味,
不但對住個天幕食野,仲可以聽到下一層的live band唱歌!
不過因為黑得滯,睇唔清個餐牌
咁多個在場的人都抱過張b,只有阿俙未抱過,
但奈何o個度d 環境好昏暗,所以張b非常好訓,
直到我地食完野都仲訓緊!
佢地話這張相好似一家三口wo,哈哈!
本身阿俙抱起張b時,佢仲係處於昏睡狀態,
最後老爹用了很殘忍的方法,就係抱起阿b,再彈佢腳板.
阿b終於被逼起身,之後仲眼仔碌碌周圍望!
環境真的不錯.連張b醒了也不停望住個天幕.
孫,Happy Birthday! 相信很快我地又會見咖啦!
記住帶返電視城!
估唔到我都有禮物收,好野!!
另外也多謝俙的手信!
星期五下晝同了傻婆Grace去了旺角食日本野.
冇見你成半年了,知道你在HK時間不多,
所以都唔敢約你,收到你的電話時好開心!
在地鐵站的時候我左望右望都見唔到佢,
但原來佢一直企o係我的不遠處用不耐煩的眼神望住我,哈哈.
衰婆成日叫我魚旦頭,好彩我都唔弱,叫返佢大疱疹!
仲比佢見到我成日望住佢粒大瘡偷笑tim~!
傻妹,你唔駛次次見我都送野比我的,
淨係見到你d"哈碌野"已經夠開心了!!
什麼"麻布廚房",我仲要話係呀,真係笑死了!
和你行了好多路,不過我地都係志不在行街.
很享受同你一齊談天說地的時光,
和你傾完計後心情都好一點!
仲有我絕對唔似happy lemon個公仔!!
我發覺你好鐘意將我卡通化,
次次見親咩卡通人物都話似我!!
你多d休息,快d整返靚塊面!下次都係你約你諗去邊呀!!
夜晚同寶和suki去了食buffet.
真係好多人呀,點解次次去親都咁多人咖?!
好似未試過這一組合去食野呢!
下次唔好叫什麼boey,等我仲以為係邊個...
今日真的好失策,竟然唔記得帶相機.
好彩用電話影都ok清.
唔知做乜我這張相笑得勁奸!
 
兩個傻婆,用埋同一型號電話都好影.
suki,預祝生日快樂!
星期六,哥哥返o黎.
上次佢返o黎的時候都冇機會同佢同台食飯同去街,
今次終於有機會了!
知你返來這幾日有好多野做,
更珍惜同你相處的時間.
Enjoy your holiday in HK!
今個sem break好happy,見到大部份我想見的人,
至於我想計劃做的事...我諗都有一半達成o既...
開心o既日子總係過得特別快!
| | |
| 闊別了5個月終於等到你返來了,小俙!
你咩構造咖,坐左10幾個鐘頭機仲可以走去飲茶.上堂.
夜晚仲同我地一齊食飯,傾計,仲精神過我地咁多個.
在火車站等緊各人時,
忽然有個人衝過來攬住我,太驚喜了,我完全望唔到佢.
之後仲o係放工時段人來人往o既旺角火車站,好好擁抱一番.
跟住等埋kit同寶來.阿寶來到時掛住講野,漠視了俙的擁抱.
俙以佢一貫扮悲傷的表情話:你唔理我o既?! 好好笑!
小俙講左好多佢o係波蘭同旅行o既趣聞比我地聽,
最搞笑係佢成為左破壞王,
不但拆爛屋主廁所棟玻璃敞門,窗簾,擺設,刀,
返工時仲整爛左部飲水機個水製.
人地仲同佢講話間公司成立5年從未壞過,
真係笑死我
我地食完牛丸河,行左一大輪,再食埋甜品,
都好似有傾唔完o既話題咁!
不過我覺得俙應該隱瞞左d野,等過幾日大家一齊審佢吧!
俙返來後,我d energy 都返晒o黎了.有人陪我一齊癲!
阿寶提出了很有趣的見解,
就係叫阿孫結婚時搵我同俙兩個做伴娘,一定非常爆笑,
我想到時可能唔係婚宴,而係一場鬧劇!
可能我地兩個幫佢拎住條婚紗時,扯甩埋佢條裙tim!
Suen,如果想搞"wo"個party就搵我地兩個啦,我唔介意的,哈哈!
| | |
| Wishing all of u a happy, healthy & wonderful New Year 2009!
仲記得07年的下半年對我來說係最低沈.最諸事不順o既時候.
發生了好多我能力範圍以外o既事..
當事好希望08年快d o黎,
一轉眼08年都過去了..
這一年都算係重要o既一年.令我諗更加多野.令我更加有責任感.
第一樣要記的就係逃離地獄公司.那時每天就係盼望住這一日.
詳情不多說了,相信你地聽我呻過唔少,哈哈..
另外就係4月時偷偷入院做個小型手術,
我淨係講過比一個人知,
點知住院o個晚就比好多人轟炸了,鬧我做乜隱瞞.
費事你地擔心嗎,同埋真係超小型.
唔咁做點知你地咁關心我呢?! 不過多得你地我o個晚先冇咁悶.
仲有就係我那位好哥哥將兩日假期奉獻晒比我.感動!
最開心都係和8姊妹,歌斯人過了一個開心o既暑假,
更加懷念中學時o既生活.每次想起都令我開心不已.
仲有就係我地o既3人行,真係一個好難忘的經驗.
最後就緊係重返校園,同返我班babies一齊上堂,做pro,溫書,食tea,行街....
縱使做功課做到好冇心機.但總有你地陪伴著我.
始終都係讀書好..
哥哥o係6月頭去SG做o野都係對我很大影響的.
我由始至終都很支持他,這無論對我對他都係一個成長的經歷.
佢o係度o既時候仲可以逃避.仲可以倚賴佢,但現在不可以了.
縱使有時覺得自己o係這頭家有點卑微,有點無能為力,
但我可以不理嗎?只能憑我少少的力量盡量擺平事情.
一直對您有種很愧疚的感覺.那時候幫助唔到您,令我懊悔一生.
但我仍希望盡力去實行我應做的事.
希望您可以賜力量比我.
有時很嬲自己點解能力咁有限,
只想我身邊的每個人都快樂.平安,我就開心的了.
這也是我每年的願望.
相信09年會係更美好的一年.
首先1月頭,小俙,哥哥同Rebec相繼回來.
好耐冇同你地好好暢談一番了!
Just a little faith.很喜歡這句說話.
新一年仍要抱住希望和信念!
| | |
|
